Сёння адукацыйныя паслугі або кансультацыі па навучанні выкарыстання сучасных гаджэтаў можна сустрэць у дзяржаўных установах, НКА а таксама ў камерцыйных структурах. Часцей за ўсё дадзеная паслуга разглядаецца як сацыяльная і трапляе пад дзеянне Закона аб сацыяльным абслугоўванні, Пераліку бясплатных і агульнадаступных сацыяльных паслуг дзяржаўных устаноў сацыяльнага абслугоўвання з нормамі і нарматывамі забяспечанасці грамадзян гэтымі паслугамі (далей – Пералік), Пастановы Міністэрства працы і сацыяльнай абароны Рэспублікі Беларусь ад 26 студзеня 2013 г. N 11 Аб аказанні сацыяльных паслуг дзяржаўнымі арганізацыямі, якія аказваюць сацыяльныя паслугі.

Згодна з Пералікам, тэрытарыяльнымі цэнтрамі сацыяльнага абслугоўвання насельніцтва аказваюцца паслугі па навучанні карыстанню мабільным тэлефонам, навучанню кампутарнай граматнасці ў форме стацыянарнага і паўстацыянарнага сацыяльнага абслугоўвання. Дадзеныя паслугі ў дзяржаўных цэнтрах сацыяльнага абслугоўвання могуць аказвацца на бязвыплатнай аснове і за аплату. Гэта залежыць ад формы сацыяльнага абслугоўвання, наяўнасці або адсутнасці групы інваліднасці. Аднак рэалізацыя такіх адукацыйных праграм патрабуе падрыхтоўкі і інфармаванасці спецыяліста або валанцёра пра спецыфіку працы з дадзенымі групамі насельніцтва.

Для таго, каб добра выбудаваць кантакт з групай і атрымаць эфектыўныя вынікі пасля заняткаў, варта асаблівую ўвагу надаваць асобе чалавека, які навучаецца карыстанню смартфонам, і спецыфіцы яго стаўлення да навучальнага працэсу.

Навучанне дарослых людзей у значнай меры адрозніваецца ад навучання дзяцей і моладзі, у тым ліку з прычыны рознага ўспрымання самога працэсу атрымання ведаў.